من هو مستشار النمو
مو مدرّب عام، ولا دعم فني.
مستشار النمو شخص اشتغل مع متاجر إلكترونية كثير في السوق السعودي، ويعرف وش اللي يحرك المبيعات فعلاً ووش اللي يضيّع الوقت.
دوره إنه يكون معك في القرار: يشوف متجرك بأرقامه وظروفه، ويساعدك تختار وين تركز جهدك وميزانيتك، بدل ما تجرب كل شي مرة وحدة.
وش يسوي معك
من أول نظرة على متجرك، لين تشوف الفرق.
يقرأ متجرك من الداخل
يشوف متجرك بعين العميل: المنتجات، الأسعار، الصفحات، وطريقة إتمام الطلب، ويحدد وين يضيع عليك البيع.
يرتب أولوياتك
بدل عشرين فكرة مبعثرة، يطلع لك بأهم خطوتين أو ثلاث تفرق فعلاً في مبيعاتك الحين.
يحوّل الكلام لخطة
تطلع من الجلسة بخطوات واضحة تقدر تطبقها بنفسك أو مع فريقك، مو نصايح عامة.
يتابع معك النتيجة
يراجع وش تغيّر بعد التطبيق، ويعدّل الخطة حسب أرقام متجرك.
وش نقدر نناقش
اللي يشغل بالك في متجرك.
كل جلسة تبدأ من تحديك أنت. هذي أمثلة على أكثر المواضيع اللي يشتغل عليها المستشارون مع التجار:
- زيادة الطلبات
- تسهيل إتمام الطلب
- رجوع العملاء للشراء مرة ثانية
- ترتيب المنتجات والعروض
- الحملات والتسويق
- قراءة أرقام متجرك
كيف تمشي الشغلة
أربع خطوات، وتبدأ.
- 01
تعبّي بياناتك
اسمك وتواصلك ورابط متجرك، مع أكبر تحدي عندك وهدفك من الاستشارة.
- 02
نتعرف على متجرك
رابط متجرك هو اللي يعرّفنا عليه في نظامنا ويوصله للمستشار المسؤول عنه.
- 03
ننسق معك الموعد
فريق زد يتواصل معك ويرتب وقت الجلسة.
- 04
تجلسون سوا
جلسة عملية تطلع منها بخطة واضحة وخطوة أولى تبدأ فيها.
عندك رابط من مستشارك؟ تقدر تستخدمه.
إذا تواصل معك مستشارك وأرسل لك رابط صفحته الخاصة، تقدر تحجز منها وقتك مباشرة. وإذا ما عندك رابط، اطلب استشارتك من هذي الصفحة.
ضاع منك الرابط؟ ارجع لآخر رسالة من مستشارك في الواتساب أو البريد، أو اطلب منه يرسله لك مرة ثانية.
احجز استشارتك
تكلم لنا عن متجرك.
رابط متجرك هو اللي يعرّفنا عليه، وفريق زد ينسق معك الجلسة مع المستشار المناسب.
تأكد إن رابط المتجر هو رابط متجرك الفعلي في زد.
وصلنا طلبك بنجاح!
فريق زد يتواصل معك ويرتب وقت الجلسة مع المستشار المناسب.